HINAING

Ina ko’y maganda at napakaputi pa

Naghahanap buhay para sa pamilya

Kahit ano, go lang ng go

Kahit na nakakasama ng ibang tao

Oh, Ina, mahal kong Ina

Ba’t ka humahanap ng kasiyahang masama?

Una mo pa lang siyang nakilala,

At nabihag ka na?

Isang gabi, kayo’y napakasaya

Walang katapusang pag-ibig na nadarama

Pagkatapos ay parang ‘di na magkakilala

Mamumuhay ng dati at maghahanap na naman ng iba

Ako’y napakasaya ng ako’y binigyan ng pag-asa

Na malalanghap ang buhay na matagal ko nang tinatamasa

Ngunit ako’y nagtaka,

Bakit di ka masaya?

 

Linggo’y lumilipas at ako’y nasasaktan

Hindi mo ako minahal at inilagaan

Ako’y unti- unting nawawalan ng buhay

Ako pala’y iyo nang pinapatay

 

Oh, Ina, Di ko alam ano ang aking kasalanan

Ba’t ang buhay ko’y iyong pinutol ng walang dahilan?

Ako’y nakita ng maraming tao

Pinaghahanap ang may gawa nito

Binabalewala mo lang ang balita at nagtatago

Buhay ko ba’y parang basura lang sayo?

Oh, Ina, napakasakit ng ginawa mo

Kahit sa langit ay dadalhin ko ang parusang ito

 

Oh, Ina, wala na akong magagawa

Buhay ko’y nawala na

Sana’y masaya ka

Oh, Ina, mahal na mahal parin kita.